Pasi është zbuluar një celulë terroriste e përbërë nga iranianë që kishin planifikuar të kryenin sulme terroriste kundër komunitetit të muxhahedinëve, ka reaguar ish ministri i Drejtësisë Ylli Manjani.
Përmes një statusi në Facebook, Manjani shkruan se Kryeministri nuk e shmang dot vemendjen nga kërkesa për largimin e tij nga një detyrë që nuk e ka fituar me vota dhe e mban, për të mos e ushtruar sipas interesit publik, me dhunë.
Postimi i plotë
Ca pyetje kam unë.
Ky sulmi terrorist nga Iranianët a do planifikohej të ndodhte nëse qeveria nuk do lejonte ngritjen e kampit të Muxhahedinëve?!
Sigurisht që jo!
Atëhere pse duhej ai kamp?! Kush e mori atë vendim?! A i pyetën Shqiptarët për këtë gjë?! Me çfarë kostosh dhe mbi të gjitha me çfarë rrisqesh mbahet këtu ai Kamp?!
Me këto pyetje, pa përgjigje bindëse kudo në BE dhe Ballkan qeveria do kishte rënë dhe do ishte harruar.
Ndaj edhe kjo ngjarja ku policia kapi një grup terrorist, flet veç kundër qeverisë. Ulëret madje kundër qeverisë së papërgjegjshme para popullit të vet.
Le pastaj ti hyjmë arsyetimit se si i kapi Policia. Kam bindjen se ajo thjesht ka ekzekutuar thjesht “porositë” nga shërbimet përkatëse, që gjenden me shumicë në Shqipëri…
Prandaj shoku Kryeministër nuk e shmang dot vemendjen nga kërkesa për largimin e tij nga një detyrë që nuk e la fituar me vota dhe e mban, për të mos e ushtruar sipas interesit publik, me dhunë.
Pas largimit të Tij, mund të ketë ndonjë zgjidhje…
