Pas mbledhjes urgjente të Kryesisë së PS, zëdhënësja e Qeverisë dhe ministrja e Shtetit për Marrëdhëniet me Parlamentin, Elisa Spiropali tha se do të vazhdojë procedura për të shkarkuar Ilir Metën.
Spiropali u shpreh se vendimi i presidentit Meta ishte një akt brutal, për këtë arsye e ka humbur të drejtën për të qëndruar në atë pozicion.
“Patjetër që PS ka diskutuar për aktin brutal të Ilir Metës. PS ka vendosur që të enjten të zhvillojë një debat të gjerë parlament sesi Ilir meta ka sulmuar republikën dhe ka shpikur një institucion që nuk ekziston në gjithë botën të quajtur republikë. Ilir meta e ka humbur të drejtën për të qëndruar në atë pozicion. Do nisë në seancën e së enjtes dhe është detyra jonë për të mbrojtur kushtetutën.
Sigurisht, do i takojë Gjykatës Kushtetuese, ashtu edhe ligji parashikon. Por kjo nuk na e heq të drejtën për të shkarkuar Ilir Metën.” – u shpreh Spiropali.
