Sonte në mbrëmje, në orën 21:00 do të mbahet finalja e madhe e Eurovizionit në Lisbonë të Portugalisë. Për herë të parë në këtë garë marrin pjesë 3 shqiptarë, Eugent Bushpepa, Ermal Meta dhe Eleni Foureira. I pari do të ngjitet në skenë Eugenti i cili do të këndojë i 12-i, pas tij, e 25-ta në radhë do të jetë Eleni Foureira, ndërsa i fundit do të ngjitet në skenë shqiptari Ermal Meta, I cili do të mbyllë dhe garën.
Të treja këngët janë vlerësuar shumë, megjithatë mediat italiane shkruajnë për disa nga favoritët kryesorë që janë Eleni Foureira dhe izraelitja Netta. “Nuk më keni bërë asgjë” e Metës dhe Moros, mund të renditet e treta ose e katërta në varsësi të pikëve ndaj Lituanisë, që gjithashtu është këngë e vlerësuar. Megjithatë ky është vetëm një nga parashikimet paraprake që lë gjithçka të hapur.
