Ministri i jashtëm në komisionin e Jashtëm Paralmentar, raporton për vizitën në greqi
Ministri i jashtëm Ditmir Bushati, po raporton në Komisionin e Jashtëm parlamentar për për vizitën e tij në Greqi. Zgjidhja e çështjes çame bashkë me heqjen e ligjit të luftës, është grupi i parë i çështjeve që janë shtruar për zgjidhje me palën greke, ka raportuar ministri.
Në përgjigje të pytjeve të deputetëve, Bushati tha se çështja çame është ndjekur deri në vitin 1993 por se ishte lënë në sirtar prej vitit 2000. Bushati tha se zgjidhja e kësaj çeshtje është me rëndësi për institucionin që drejton. Ai ka theksuar se me palën greke është kërkuar që çështja çame të zgjidhet sipas konventave ndërkombëtare por zgjidhja për të do të duhet të nisë nga heqja e ligjit të luftës me Greqinë. Bushati ka ndarë në tri pjeë problematikën në marrëdhëniet mes dy vendeve:
“Janë tri shporta. Shporta e pare është ajo e çështjeve të Luftës së Dytë Botërore. Duhet të hiqet ligji i luftës nga Greqia për të çliruar energji pozitive dhe për të rivendosur një të drejtë të munguar në vend, tek kjo shportë pala shqiptare ka listuar dhe çështjen çame. Duam një zgjidhje sipas të drejtës ndërkombëtare.Gjithçka duhet të nisë nga heqja e ligjit të luftës nga Greqia.Shporta e dytë lidhet me aktualitetin, respektimi i të drejtave të komunitetit shqiptar në Greqi. Për shportën e tretë janë çështjet e së ardhmes ku përfshihet dhe pakti detar. “Greqia po ngushton mundësinë për ta çuar në arbitrazh ndërkombëtar, duam ta zgjidhim në tryezën e bisedimeve . Zgjidhja bazuar në disa rregulla të arta të Gjykatës Kushtetuese”, tha Bushati .
