Ministri i Jashtëm Ditmir Bushati i ka kthyer përgjigje Niko Gruevskit duke thënë se shqiptarët nuk janë punëtorë sezonalë në trojet e tyre.
Bushati tha që nëse ne nuk jemi të vëmendshëm t’i përgjigjemi në kohë kërkesave legjitime të tyre për më shumë dinjitet dhe barazi shoqërore, atëherë rreziqet që i kanosen rajonit tonë mund të çojnë në tjetërsimin e integritetit tonë kombëtar.
Përmes një postimi në facebook lideri i VMRO- DPMNE bënte thirrje që nëse partitë shqiptare e sjellin në pushtet LSDM-në, “ne jemi të gatshëm ta mbështesim si qeveri e pakicës me deputetët tonë, nëse LSDM-ja heq dorë nga gjuha shqipe dhe platforma e Tiranës“, shkruante Gruevski.
Bushati tha se rreziqet që i kanosen rajonit tonë mund të çojnë në tjetërsimin e integritetit tonë kombëtar, prandaj Tirana nuk do të reshti së theksuari nevojën e zhvillimit të shqiptarëve kudo që ata jetojnë.
