Kryetari i Partisë Demokratike, Lulzim Basha ka reaguar pas aktivitetit që Rama mbajti për bujqësinë me fermerët në Malësinë e Madhe.
Basha u shpreh se Rama flet për mrekullitë në bujqësi, por ka hequr subvencionet dhe nuk po stimulon bujqërit dhe blegtorët.
“Derdellitje një orë pa pushim me regji qendrore për mrekullitë e mëdha që po ndodhin në bujqësi, ndërkohë që ka hequr çdo subvencion, nuk ka ngritur një treg të vetëm, nuk ka stimuluar një bujk a blegtor në gjithë vendin. Llomotit Rama në kohën kur fshatin e ka pllakosur një varfëri skëterrë”, deklaroi Basha.
“Bujqësia ka nevojë për 100 milione dollarë ne vit subvencione që të ngrihet e të zhvillohet. Paratë janë, por Edi Rama i ndan me hajdutët e tij per makina luksi, zyra, fasada, e ekspozita jashtë shtetit. Për të marrë këto para, këtë ndihmë jetike, fshati duhet të ngrihet e të largoje hajdutët”, shprehet Basha.
Më tej krye demokrati tha se burimet ujore janë në shërbim të kartelit të drogës, kodrat, arat, kullotat e pyjet janë zaptuar nga trafikantët. Pëveçse u ka kthyer kurrizin,thekson Basha, fshatarët duhet të ruhen çdo ditë të mos prekin në zotërimet e kartelit të Edi Ramës, sepse rrezikojnë dhe jetën.
