Bashkia e Tiranës ka publikuar një video të bulevardit të ri ku dallohet qartë ritmet e shpejta me të cilat kanë ecur punimet si dhe angazhimin e punonjësve të angazhuar për të përfunduar sa më shpejt dhe me cilësi punimet.
Kryebashkiaku Erion Veliaj ka thënë se vazhdon mbjellja e pemëve e nisim punën për ndriçimin. Për pak muaj jemi gati te BulevardiRi! Pas Pazarit të Ri, një tjetër shembull se Tirana transformohet me punë e jo me llafe.
Gjithçka tashmë ka marrë formë dhe krahas shtrimit të pllakave, ka filluar edhe mbjellja e pemëve , ndërsa për të lehtësuar jetën e qytetarëve, është përfunduar edhe parkimi nëntokësor.
Në bulevardin e ri të Tiranës do të ndërtohen godinat e mjaft institucioneve publike, kulturore, artistike, qendra biznesi etj. Bulevardi i ri do të jetë gati brenda muajit qershor.
