Kapiteni i Italisë, Gianluigi Buffon, në konferencën për shtyp para ndeshjes së nesërme ndaj Shqipërisë, përveç mundësisë për të mbetur jashtë botërorit skuadra si Hollanda dhe Argjentina, foli edhe për kthimin në Shqipëri pas 23 vitesh.
Mbledhja e një dite më parë me ekipin.
Sa i përket mbledhjes së një ditë më parë, ishte diskutim normal. Nuk kemi asgjë për të fshehur, sepse mbledhja është bërë me dijeninë e trajnerit.
Holanda është pothuajse jashtë, ndërsa Argjentina rrezikon shumë. A është sistem i duhur duke qenë se edhe Italia shkon në play off, apo mendoni se ka meritokraci?
Për sa i përket modaliteteve kam dy mendime të kundërta. Të mendosh një botëror pa Holandën dhe Argjentinën është gati e pabesueshme për historinë që kanë ato. Por nga ana tjetër është shumë e bukur të shohësh skuadra të vogla që përkushtohen dhe me shumë sakrificë arrijnë të mbërrijnë në nivele kaq të larta. Mendoj se shanset janë të njëjta për të gjitha.
Gjysma e stadiumit do të dojë fanellën tuaj nesër…
Më vjen mirë që kthehem të luaj këtu pas 23 vitesh. Kam luajtur në vitin 1995 në një Teuta-Parma. Kthehem dhe e gjej Shqipërinë në një gjendje të mirë, jo vetëm në futboll, por edhe fusha të tjera.
/Panorama/
