Pas pak minutash pritet që të nis ndeshja mes Shqipërisë dhe Izraelit, ndërkohë janë publikuar edhe formacionet zyrtare e të dyja skuadrave. Trajneri Edi Reja ka vendosur që të bëjë ndryshime të mëdha duke propozuar një skuadër më ofensive ndaj izraelitëve, ashtu siç i kërkon opinioni publik prej kohësh. Por ndryshimet në mënyrë të papritur fillojnë që me mbrojtjen, siç kishte paralajmëruar Panorama Sport, pasi Kumbulla ulet në stol për t’i bërë vend Veselit.
Ndërkohë, në mesfushë do të luajnë titullarë Asllani e Bajrami përkrah Abrashit, kurse sulmi do të përbëhet nga dyshja Broja-Uzuni e cila mungoi në Islandë për shkak të problemeve shëndetësore.
FORMACIONET ZYRTARE
SHQIPËRIA: Berisha, Gjimshiti, Ismajli, Veseli, Hysaj, Balliu, Asllani, Abrashi, Bajrami, Broja, Uzuni.
Trajner: E. Reja
IZRAELI: Marçiano, Dasa, Goldberg, Vitor, Leidner, Peretz, Karzev, Xhaber, Solomon, Abada, Vaisman.
Trajner: A. Hazan
Shqipëri-Izrael është ndeshje për t’u fituar me çdo kusht nga kuqezinjtë për të marrë vendin e parë në grup në Ligën e Kombeve. Skuadrat janë në kuotën e 1 pike pas një ndeshje të luajtur dhe kush merr pikët e plota, kapërcen Islandën e cila ka regjistruar deri tani dy barazime.
