Kompania ajrore britanike British Airways ka mohuar të ketë anuluar disa fluturime nga Anglia drejt Shqipërisë.
Sky News në Itali raportonte se mes vendeve, të cilat kanë anuluar fluturime ishte dhe Shqipëria, ekzaktësisht nga aeroporti jugor Gatwick, por kompania ajrore britanike e mohon diçka të tillë.
Kjo kompani ka marrë masa në disa vende sidomos në udhëtimet nga Britania drejt Italisë, Gjermanisë apo Francës, të cilat janë vendet më të prekura nga koronavirusi.
Po ashtu, dhe Tirana International Airport tregon në faqen zyrtare se fluturimet drejt Gatwick dhe anasjelltas drejt Shqipërisë janë të disponueshme këto ditë sipas orareve të paracaktuara.
