Historia e trishtë e Musaen Zenelit, 19-vjeçari i cili mbeti i vrarë nga plumbat në masakrën e Velipojës, ka tronditur opinionin publik. Ai, në kushte të vështira ekonomike zgjodhi që të punojë në një restorant në Velipojë, por në ditën e tij të parë të punës, një sherr i përgjakshëm mes pronarëve të restorantit dhe një pale tjetër, rezultoi fatal për të duke gjetur vdekjen e menjëhershme pas një plumbi të marrë në zemër.
Në rrjet u sensibilizuan qindra persona për t’i ardhur në ndihmë familjes së Musaenit, pasi më të ardhurat e tyre e kishin të vështirë që të mbulonin shpenzimet mortore. Organizata USA ALBANIAN SOCIETY hapi edhe një llogari në “Go Fund me” ku mund të kontribuonin të gjithë ata që dëshironin të ndihmonin familjen. Në vetëm 13 orë u arrit shuma e synuar prej 20 mijë dollarësh, madje u tejkalua, ku momentalisht janë 20,497 dollarë. Këto para do të shkojnë për familjen e Musaenit.
( Ndihmo Familjen e Musaen Zenelit )
19 vjeçari Musaen Zeneli ishte viktima e pafajshme e masakrës në Velipojë. Prej muajsh ai mundohej të mbante familjen. Jetonte vetëm me nënën, pasi babain e kishte humbur. Ai mbyt në Lumin Drin. Që prej asaj kohe duhet të përkujdesej për nënën. E shtuna ishte dita e parë e tij. Punën e mbylli pak pas mesnate, pa e ditur se nuk do të kthehej më në shtëpi. Policia thotë se kishte marrë një plumb në zemër. Ai u gjet pa shenja jete në rërë. Në xhep kishte disa qindarka, bakshishi i pushuesve që morën çadra e shezllonë. Musaeni la pas nënën dhe vëllain, Erdisin.
