Dy deputetet e Partisë Demokratike, Jozefina Topalli dhe Majlinda Bregu, nuk janë parë sot në protestën e organizuar nga opozita.
Mungesa e dy deputeteve që kanë patur shpesh herë përplasje me kryetarin Lulzim Basha, ka rënë në syrin e gazetarëve.
I pyetur për mospjesëmarrjen e Topallit dhe Bregut, Arben Ristani është munduar të bëjë indiferentin duke u përgjigjur: “Nuk e di sepse kam qenë në mes të protestuesve, por duhet të kenë qenë”.
Dy zonjat nuk kanë bërë asnjë publikim as në faqet e tyre në Facebook për të konfirmuar pjesëmarrjen ose për të dhënë shpjegime për mungesën e tyre.
