Deputeti socialist Erion Braçe ka reaguar në lidhje me situatën e krijuar në mbledhjet e Komisioneve, pasi maxhoranca kërkon mbledhje online ndërsa PD me prezencë fizike.
Braçe shprehet se ISHP duhet të bëjë publike listën e deputetëve që kanë bërë vaksinën me dy doza.
Gjithashtu Braçe thotë se është e lehtë të bësh politikë me një masë mbrojtëse nëpër televizione ndërkohë që në Kuvend nuk sheh asnjë që të respektojë masat.
“Pasaportën e vaksinimit, rezultatin e testit PCR/RT, maskë e dizinfiktant në Kuvend! S’ka nevojë për konflikt. Ministria e Shëndetësisë, ISHP, duhet të na i kursente shfaqjet e padenja këto dy ditë, vecanërisht me burra që i ulërijnë në fytyre grave me spërkla si shi;
E thjeshtë: Ministria e Shëndetësisë, ISHP ti thonë Kuvendit dhe publikut sa deputetë kanë bërë vaksinën në dy doza, sa deputetë nuk e kanë bërë, cilët;
Deputetët të depozitojnë certifikatën e vaksinimit në Kuend, testin PCR/RT nëse nuk janë vaksinuar, të mbajnë distancë, maskë e lajnë duart në cdo ambjent të Kuvendit, korridore e salla mbledhjesh, kaq! Se është kollaj të bësh politike me një masë mbrojtëse nëpër TV por kërkund në Kuvend nuk sheh të zbatojnë masat!
Nuk duhet të ketë debat për këtë; Kush i ikën debatit zjarr që ka në shtëpinë e tij politike, nuk ka pse gjen arsye tek normaliteti i ri që kalon nga vaksinimi i detyruar, testi, distanca fizike, maska e higjena!”, shkruan ai.
