Në takimin që po zhvillon me intelektualë dhe biznesmenë në Vlorë, kryetari i PD-së Sali Berisha është ndalur edhe te gjendja e rëndë ekonomike që ka pllakosur vendin. Sipas tij, ekonomia shqiptare po degradohet pasi borxhi publik është rritur në 107% por shqiptarët janë në mjerim të plotë. Sipas Berishës, me këtë borxh, nëse kthehej në mirësi, çdo qytetar do të kishte një rrogë mesatare 1500 euro.
“Më thoni sa janë rritur rrogat? Borxhi është rritur nga 62.4% në 107%. Çfarë është bërë me këtë borxh? Ju garantoj se nëse kjo qeveri do të mendonte, unë për këta qytetarë për ta punoj, do t’i bëj të harrojnë varfërinë, mund të rriste po të donte tre herë rrogat dhe pensionet. Me këtë borxh edhe më shumë. Me këtë borxh, nëse kthehej në mirësi, çdo qytetar do të kishte një rrogë mesatare 1500 euro. Ku janë? Sa është sot rroga? 30% më e ulët se në 2013, sepse çmimet janë 80-90% më të larta. Ajo qeverisje kishte probleme, e imja, por shpresën ua ngjalli shqiptarëve, popullsia u rrit nga viti në rrit”, tha Berisha. Sakaq, ai theksoi se kupa e qeverisë Rama është mbush dhe qytetarët nuk duhet të heshtin më.
