Mbretëresha Elizabeth, e cila ishte këshilluar nga mjekët për të pushuar dhe për të shmangur vizitat zyrtare për të paktën dy javë, është në formë të mirë. Kështu tha sot kryeministri britanik, Boris Johnson.
Johnson, i cili komunikon me Mbretëreshën çdo të mërkurë për përditësimin javor, tha sot për Channel 4 se gjatë bisedës së tyre kishte mësuar se ishte në gjendje të mirë shëndetësore.
“Ajo vetëm duhet të ndjekë këshillat e mjekëve të saj dhe të pushojë dhe mendoj se kjo është gjëja e rëndësishme. Unë mendoj se i gjithë vendi i uron që të bëhet mirë,”-tha ai.
Elizabeth është duke pushuar në rezidencën e saj në Kështjellën Ëindsor pas shtrimit të saj një ditor në spital pak ditë më parë. Pas shqetësimeve me shëndetin ajo anuloi një sërë vizitash të planifikuara dhe kaloi një natë në spital për arsye që ende nuk dihet, por nuk ka lidhje me pandeminë e koronavirusit.
