Studentë të universitetit “Aleksandër Moisiu” në Durrës por dhe ato të “Alesandër Xhuvanit” në Elbasan kanë bojkotuar mësimin, duke iu bashkuar grupit të studentëve të Tiranës.
Në Durrës- Studentët e Universitetit Aleksandër Moisu në Durrës kanë bojkotuar mesimin duke u ngujuar brenda ambienteve të kampusit universitar.
Vendimi është marrë pas një takimi të Këshillit Studentor. Sipas tyre rruga e vetme, që çon drejt plotësimit të 8 kërkesave, por më e rëndësishme, rrëzimi i Ligjit të Arsimit të Lartë është bojkoti i procesit mësimor.
Universiteti është i yni, dhe rezistencën sigurisht që do ta bëjmë brenda mjediseve të fakulteteve thonë studentët. Procesin mësimor e cilësojnë shumë te rëndësishëm, por akoma më të rëndësishëm sistemin cilësor të arsimit.
Të shumta në numër studentët thonë se do të qëndrojnë brenda mjediseve universitare, si kolegët e tyre në Tiranë deri në plotësimin e kërkesave dhe rrezimin e ligjit të arsimit të lartë.
“Një pjesë e studentëve kanë hyrë në mësim se kanë frikë që pedagogët mund të ngelin, ndërkohë që një grup prej gati 30 studentësh qëndrojnë në hollin e universitetit në shenjë bojkoti”, informon gazetarja e Ora News në Elbasan, Belinda Ruçaj.
https://www.facebook.com/PerUniversitetin/videos/2211946685523947/
