Bogdani: Ne tironsit duhet të mbrojmë Teatrin, pasi pjesa tjetër është kthyer në një Kandahar

Mirela Bogdani ka folur në një intervistë të dhënë në kuadër të festimeve të 100 vjetorit të shpalljes së Tiranës kryeqytet.
Në cilësinë e kryetares së Shoqatës ‘’Tirona Intelectum”, Bogdani u shpreh se ajo synon që të ruajë traditat e vjetra të qytetit.
“Qeveria e dalë nga Kongresi i Lushnjes u nis për në Durrës, dhe duke se Durrësi ishte i pushtuar nga forcat italiane, u kthyen në Qafë Kashar, dhe aty ngelën në mes të katër rrugëve, dhe më pas vendosën që të vijnë në Tiranë.
Janë disa arsye se pse qeveria u vendos në Tiranë, e para ishte se nuk ishte pushtuar nga asnjë forcë e huaj, e dyta Tirana i mirëpriti, tironsit janë njerëz të butë, dhe e treat kishte patriotizmi, dhe e fundit ishte se paria e Tiranës që përbëhej kryesisht nga familja Toptani, Zogu, vunë vilat e veta në dispozicion të qeverisë së Lushnjes.
Toptani dhuroi shtëpinë e vetë për asamblenë e parë, që tashmë mban brenda Akademinë e Shkencave. Tirana u shpall kryeqytet i përkohshëm, dhe më pas për një periudhë 2-3 vjeçare njerëzit filluan të vinin në Tiranë dhe po bëheshin investime, në 31 Janar, 5 vite më vonë, nën influencën e Ahmet Zogut, u vendos që Tirana të bëhej kryeqytet i përhershëm.
Nga 31 Janari i 2025 Tirana u shpall kryeqytet dhe u vendos në Kushtetutë, është i vetmi nen që nuk ka ndryshu në Kushtetutë”, u shpreh Bogdani.
Ndërkohë Bogdani foli dhe për nevojën e ruajtjes së atyre pak vlerave që kanë mbetur nga Tirana e vjetër, e veçanërisht i referohej godinës së Teatrit Kombëtar.
“Tirana ishte një fushë e vendosur mes maleve, dhe ka qenë historikisht pjellore, kjo e bënte atë që të kishte të gjitha rrethanat e nevojshme që të shpallej kryeqytet. Një moment i rëndësishëm në eventin për 100 vjetorin ishte vlerësimi që iu bëri presidenti disa prej figurave më të shquara të Tiranës.
Ne bashkëpunimin me Teatrin Kombëtar e kemi nisur shumë herët, duke qenë se dhe disa prej aktivistëve që janë më në zë pranë Teatrit, janë pjesë e shoqatës sonë Tirana Intelectum. Zgjodhëm që ta bënim me një sallë, që njerëzit mezor e mbajnë me gjenerator, ishte shumë prekëse të shihje aktorët që pastronin karriget, përpara se ne të shkonim aty, ishte dhe një mbështetje e jona përballë kauzës së tyre. Teatri është një nga ikonat që ka mbetur nga qendra historike e Tiranës.
Është e patolerueshme prishja që i është bërë segmentit të parë të Bulevardit, është prishur stadiumi, janë prishur kinematë, dhe tashmë prej dy vitesh tagri kryesor është Teatri, dhe i gjithë korpusi që është aty. Ne tironsit duhet të jemi të parët që të qendrojmë në mbrojtje të Teatrit, pasi pjesa tjetër e qytetit është kthyer në një Kandahar. Çfarë ka ngelur të paktën ta ruajmë, pasi nuk mund të ndryshojmë tashmë atë që është bërë.
Ne e dimë shumë mirë se pse po bëhet lufta te Teatri, se nëse do të ishte e nevojshme ngritja e një teatri të ri, do të rindërtohej me modelin e atij që ka qenë më parë. Godina do thjesht një restaurim.
Ata duan ta shkatërrojnë fare në mënyrë që të ndërtohen 6 kulla, me përfitime që dihen nga të gjithë njerëzit, kjo ka lidhje me grykësinë, që të marrim sa më shumë sa të jemi në pushtet”, u shpreh Bogdani, me një propozim për reagim për të gjithë tironsit e tjerë.