Një ditë pas publikimit në media të disa rasteve të manipulimit të votës në referednumin e PS-së, deputeti socialist, Ben Blushi ka reaguar duke theksuar se ky është turpi i socialistëve. Në një deklaratë për mediat, Blushi tha se është konfirmuar akuza e tij për manipulim të referendumit të 9 prillit përmes mbushjes së kutive të votimit. Blushi tha se do të kërkojë të hapjen kutive të votimit.
“Prova e djeshme tregoi se referendumi ishte sajesë për të shmangur garën dhe për të më eliminuar si kandidat. Ajo është provë e qartë që ky referendum u grabit.
Kur socialistët grabisin njëri-tjetrin, është me interes, se tregon se ku ka përfunduar partia më e madhe në Shqipëri. Kjo parti në rast se nuk respekton demokracinë e brendshme, nuk jep garanci për më shumë. Keqqeverisja buron nga ato kuti votimi.
Po presim që Komisioni votimit të shpallë rezultatin e votimit. Deri më sot, nuk ka një rezultat të tillë për mbi 380 kuti, por ka një rezultat të përgjithshëm të shpallur nga një ministër. Ata që u futën në grevë urie për hapje kutish, sot po mbushin kutitë”, deklaroi Ben Blushi sot për mediat”, tha Blushi.
