Zëdhënësi i Presidentit Ilir Meta i është përgjigjur ministres Elisa Spiropali, e cila më herët komentoi reagimin e kreut të Shtetit, lidhur me thirrjen e tij për grusht shteti nga qeveria dhe paralajmëroi për protestë nga 2 mars.
Në një postim në Facebook, Blushi i referohet ministres si “e Çmendura E…”, ndërsa thekson se duhet të bëni pak durim se shumë shpejt do e shohin edhe popullin.
Reagimi i plotë i Tedi Blushit:
Moj e Çmendura E., po edhe për grushtin e shtetit keni marrë konsensusin e SHBA-BE? Se Venecian që vetë e kërkuat, po vetë e përzutë!
Megjithatë, ne nuk nxitohemi! Po presim edhe opinionet zyrtare të EURALIUS-it. Se kështu mashtruat ju edhe për opinionet që nuk ekzistojnë të KED, Shkollës së Magjistraturës, dhe Komitetit Shqiptar të Helsinkit, që shkëlqeu me delegjitimimin e ligjit tuaj anti-kushtetues të betimit buzë Lanës.
Mbani fort oligarkët se ata janë të besës.
Sa për popullin, do e shihni shumë shpejt!
Edhe pak durim!
Me qetësi dhe drejtësi!
Për gjuhën jashtë kontrollit, nuk kemi koment, se ti na udhëheq në këtë drejtim bashkë me Skënderbeun tënd.
