Policia Rrugore në kuadër të opreacionit “Blici Rrugor” ka ndëshkuar me gjobë 610 drejtues mjetesh dhe pasagjerë. Nër ta 268 qytetarë janë ndëshkuar për mos vendosje të rripit të sigurimit, (drejtues mjetesh e pasagjerë), 184 drejtues mjetesh për përdorim të celularit gjatë drejtimit të mjetit si dhe 158 drejtues mjetesh janë ndëshkuar për shkelje të tjera, si shpejtësi tej normave të lejuara, për mosvendosje të kaskës mbrojtëse.
Operacioni nisi në orën 13:00 dhe zgjati deri në orën 14:00 dhe u zhvillua në 12 qarqe të vendit, në akset kryesore dhe zonat urbane. Në operacion u angazhuan rreth 760 punonjës Policie në total, ndërsa u ngritën 150 pika kontrolli në të gjithë vendin.
Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit dhe për mos përdorimin e celularit gjatë drejtimit të mjetit.
