Nuk është e thënë që në stadiumin “Loro Boriçi” të Shkodrës të përfundojë normalisht një ndeshje futbolli. Pas rrebeshit që ndërpreu takimin Shqipëri – Maqedoni, u ndërpre edhe ndeshja e kampionatit, Vllaznia – Kukësi. Këtë rradhë, shkak u bë ndërprerja e energjisë elektike në qytet, por për fat të mirë kishin mbetur edhe tri minuta për t’u luajtur dhe shqiptarët bëjnë si bëjnë edhe me ndriçim të pakët. Për të qenë të saktë edhe në kualifikuesen e së hënës për Botërorin e Rusisë pati ndërprerje të energjisë elektrike, por ndriçimi mbeti brenda parametrave me ndihmën e gjeneratorit. Ndërsa ndeshja e fundit e javës së parë përfundoi 0-0, i treti takim pa gola në pesë të luajtura në 90 minutat e siparit.
