Franca është një tjetër vend që duket se po përballet me rritjen e humbjeve të personave për shkak të koronavirusit.
Në 24 orët e fundit janë regjistruar 499 viktima nga koronavirusi duke e çuar numrin e të vdekurve në 3523 persona. Ky ishte numri më i madh i të vdekurve që nga shpërthimi i pandemisë në vend.
Në total Franca ka regjistruar 52.128 raste të konfirmuara me Covid-19. Aktualisht janë 22.757 persona të hospitalizuar me koronavirus, ndërkohe 5.565 prej tyre ndodhen në kujdesin intensiv.
