Tatëpjeta e kapitalit të huaj në Shqipëri nis në vitin 2014 dhe vazhdon edhe për 2015 duke u ulur me 100 milion euro në vit
Fluksi i ivestimeve të huaja në Shqipëri kaë rënë dy vitet e fundit me shifrën 100 milion euro në vit. Viti 2015 shënon kështu edhe një tjetër tregues të përkeqësuar për ekonominë shqiptare. Sipas shifrave zyrtare të ministrisë së financave vitin e kaluar investimet e huaja direkte në ekonominë shqiptare pësuan rënie me 11 për qind. 2015 është viti i dytë me radhë që fluksi i investimeve të huaja është në rënie. Në vitin 2014 investimet ramë në 812 milion euro nga 923 milionë që kishin qenë një vit më parë. Në 2015 rënia i ka cuar investimet e huaja në në 720 milionë euro. Por kjo situatë pesimiste shpresohet të mos vijojë në vitet pasuese. Sipas projeksioneve të FMN për vitet 2016 dhe 2017 parashikohet një rritje e lehtë e flukseve të investimeve të huaja për shkak të kulmit të punimeve në dy veprat e mëdha, Gazsjellësi Trans Adriatik TAP dhe projektet e hidrocentraleve të kompanisë Statkraft në Devoll. Për pasojë Fondi parashikon rritje të hyrjeve valutore nga investimet me 19 për qind këtë vit dhe vitin tjetër me 4.5%.
Ndërsa hidrokarburet kanë qenë sektori që kanë kontribuar më shumë në rritjen e investimeve të huaja deri tani, duke përbërë më shumë se 50% të investimeve, pesha e tyre rezulton në zvogëlim, si rrjedhojë e rënies së çmimeve të naftës, që i ka bërë sipërmarrjet më pak të interesuara për të realizuar investime kapitale.
Sipas Bankës së Shqipërisë, prurjet në formën e investimeve direkte gjatë kësaj periudhe kanë ardhur nga sektori i energjetikës me rreth 61%, ai i hidrokarbureve me rreth 21%, të ndjekur nga sektori bankar dhe i telekomunikacionit, që kanë tërhequr përkatësisht 8% dhe 2% të flukseve hyrëse të investimeve të Huaja Direkte.
