Partia Socialiste ka njoftuar se do të zhvillojë mitingun përmbyllës në Kavajë, ndërsa PD i ka thirrur për një protestë ditën e dielë.
Kjo është sfida e parë e dy partive të mëdha në prag të zgjedhjeve të Kavajës.
Bëhet me dije se në mitingun përmbyllës së PS do të marrë pjesë dhe kryeministri Edi Rama i shoqëruar nga ministra të kabinetit qeveritar si dhe deputetë të qarkut të Tiranës.
Demokratët kanë paralajmëruar një marshim të madh në drejtim të këtij qyteti, ku nuk përjashtohen as tentativat për të bllokuar procesin e votimit.
Nga çadra e opozitës Basha tha se të djelën do të ketë një marshim popullor të opozitës drejt Kavajës, nga ku tha ai, të dielën do të rrëzohet republika e vjetër.
