Në ditën e parë të vitit të ri shkollor parauniversitar, Besa Shahini ka dhënë dorëheqjen nga posti i Ministres së Arsimit, më herët se çfarë kishte parashikuar.
Shahini i ka komunikuar Edi Ramës dorëheqjen në zyrën e tij në Kryeministri, ku në të njëjtën kohë është prezantuar edhe zëvendësuesja e saj.
“Ky është një moment i vështirë ndarjeje, pasi jam shumë i kënaqur me ju, vlerësoj shumë gjithçka që ke bërë deri tani”, u shpreh Rama.
Tashmë postin e Ministres së Arsimir do ta mbajë deputetja dhe ish-dekane e Fakultetit Ekonomik në Elbasan, Evis Kushi.
“Kushi nuk ka plagjaturë, se e ka bërë doktoraturën në Angli. Pra është si me provë të thuash. Jemi në rregull nga kjo anë,” tha kryeministri Rama për ministren e re.
