Ish-kryeministri Sali Berisha inkurajoi mbështetësit e opozitës të cilët vijojnë qëndresën në çadër për votën e lirë. Berisha shprehu bindjen se kryeministri Edi Rama më parë vetëvritet sesa lë karrigen e pushtetit.
“ Beteja është e ashpër. Edi Rama më parë vret veten sesa ikën. Tentativa, ai ka patur jo njëherë gjatë jetës. Për të ikur nuk ikën, për të dëgjuar zërin tonë nuk e dëgjon. Por unë e garantoj se do ta bëjmë të dëgjojë zërin tonë.E garantoj se do ta dëgjojë, por më mirë ta dëgjojë në kohë sesa atëherë kur t’ia presë vetes tëmthat. Uroj t’i vijë mendja dhe të pranojë zgjidhjen e ofruar, asgjë tjetër vetëm votën e lirë. Vota e lirë është kushti i të gjitha kushteve për Shqipërinë europiane, Shqipërinë e stabilitetit, për zhvillimin dhe të ardhmen e Shqipërisë”- u shpreh Berisha.
