Kreu i PD-së Sali Berisha ka mbledhur grupin parlamentar në selinë e PD, ku në fokus ka qenë reforma territoriale. Në krah të Berishës ka qenë deputeti Luçiano Boçi, i cili tha se do të paraqitet raporti për reformën teritoriale, i përpunuar nga grupi i punës, të ngritur pranë Partisë Demokratike.
Përveç Berishës dhe Boçit, në takim merrnin pjesë dhe 12 deputetë të tjerë: Agron Shehaj, Luan Baçi, Bujar Leskaj, Oerd Bylykbashi, Greta Bardeli, Ina Zhupa, Flamur Noka, Edi Paloka, Tritan Shehu, Edmond Spaho, Albana Vokshi, Elda Hoti, Isuf Çelaj. Bardeli merr pjesë për herë të parë.
Ndërkohë që ra në sy mungesa e dy deputetëve Tomor Alizoti dhe Xhelal Mziu, të cilët në mbledhjen e kaluar të Kryesisë më 1 shtator iu bashkuan grupit të Berishës si dhe mungesa e Belind Këlliçi.
