Sipas ish-kryeministrit Sali Berisha, Edi Rama ka shitur dëshmitarin e mbrojtur të drejtësisë në dosjen Habilaj (oficeren e policisë).
“Njeriu që ka shitur dëshmitarin e mbrojtur të policisë është Edvin Kristaq Habilaj. Pasi mori foton e dokumenteve nga Bledi Habilaj, shkoi te Xhafaj, identifikuan personin dhe shkelën sekretin hetimor.”, akuzoi Berisha.
Pas kësaj ndërhyrje në sallën e Parlamentit Berisha është larguar.
“Kuvendi është i pushtuar nga Habilajt. 30 ton drogë në Itali, 300 milionë euro e shndërruan në narko-mazhorancë shumicën. Kjo është dita e turpit kombëtar të këtij parlamenti. Basha ka shprehur si iniciativë për heqjen e plotë të imunitetit, ne jemi plotësisht pro”, deklaroi ai jashtë ambienteve të Kuvendit.
