Kryetari i Partisë Demokratike, Sali Berisha i ftoi të gjithë në protestën e 12 nëntorit, duke përfshirë edhe Enkelejd Alibeajn apo Gazment Bardhin, me përjashtim të Lulzim Bashës, për të cilin tha se ka një akuzë dhe duhet ta sqarojë atë, duke iu referuar këtu financimit rus në PD.
Berisha nuk nguroi t’i kujtojë edhe burgun Bashës, duke thënë se duhet të tregojë burrërinë, të futet edhe brenda nëse i takon.
”Të gjithë mund të vijnë për veç Bashës që duhet të sqarojë akuzën që ka. Të tjerët janë anëtarë të grupit dhe nuk mund të më marrin leje mua që të protestojnë kundër qeverisë. Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt për ato akuza që ekzistojnë aty. Hetimi këtu nga selia po vazhdon. Kështu që mendoj se është shumë i detyruar të zbardhë dhe të ketë burrëri të tregojë, edhe nëse i takon të hyjë brenda ose të shpallet i penduar i drejtësisë dhe përfiton lehtësira, të tregojë të vërtetën. Por kjo është kusht për këtë”, tha Berisha.
Lexo edhe: Nesër protesta, Berisha del me mesazh të fortë: Kulmi i zemërimit të qytetarëve
