Gjatë deklaratës që dha sot për mediat, disa nga akuzat më të mëdha Tahiri ia adresoi ish-Kryeministrit Berisha, i cili nuk ka vonuar të përgjigjet.
Berisha ka deklaruar për mediat në oborrin e Kuvendit se dorëheqja e Tahirit nga mandati i deputetit ishte dëshmi e forcës së krimit, pasi atë që nuk e bëri dot Parlamenti disa muaj më parë, e bëri vendimi mafioz.
Më tej ai tha se vendimi që bëri sot publik Tahiri është vendosur në një takim të fshehtë në një spital të Tiranës
“Asgjë nuk sjell flakja e Saimir Tahirit jashtë Parlamentit ndërsa Edi Rama qëndron dhe flet aktualisht në Parlament. Dorëzimi i mandatit të tij sot është dëshmi e forcës së krimit. Atë që nuk e bëri dot Parlamenti, e bëri Saimir Trafiku. E gjykoni ju. Në vend që një Parlamnet të kishte forcën për t’ia hequr mandatin nuk e bëri dot. Me një takim të fshehtë tresh në një spital të Tiranës, ishte dhe Lal Plehu. Në atë takim janë premtuar kulla. Por asgjë nuk ndryshohn nëse njeriu që po flet tani në Parlament, që mashtron nga mengjesi deri në darkë, që udhëton si faqe e zezë në Europë dhe e presin si të ishte i dërguari i Kim Jong Unit dhe jo Shqipërisë, të dënohet. Bota nuk kërkon kokën e Saimir Tahirit , por dorëheqjen e Edi Ramës”, tha Berisha.
