E ardhmja e Jude Bellingham është në rregull dhe Borussia Dortmund ka dhënë një përgjigje të re. Interesimi i Real Madridit është më i pranishëm se kurrë dhe kjo nuk ka kaluar pa u vënë re nga mediat gjermane.
Pavarësisht lajmeve që kanë dalë ditët e fundit, Borussia Dortmund vazhdon të qëndrojë e palëkundur pa dhënë informacione për Jude Bellingham. Drejtori sportiv i entitetit teuton, Sebastian Kehl, ka dashur të prononcohet për këtë çështje.
“Nuk është për t’u habitur që thashethemet Bellingham po përhapen. Por nuk ka asnjë lajm, asnjë ofertë apo koment për të bërë, ai është shumë i fokusuar te ekipi për momentin,” tha Kehl për ‘DAZN’.
Pak ditë më parë ka folur drejtori sportiv i Dortmundit dhe ka bërë të ditur se janë të fokusuar që sezonin ta mbyllin në mënyrën më të mirë të mundshme. Kehl deklaroi se nuk merret me këto çështje dhe dëshiron që skuadra të jetë e fokusuar në fitimin e titullit kampion në Gjermani.
Klubi gjerman nuk dëshiron të flasë për më shumë në media dhe dëshiron që fokusi të jetë vetëm te skuadra. Për momentin ata vazhdojnë pa mohuar asnjë informacion dhe vazhdojnë me heshtjen për të ardhmen e Jude Bellingham.
Pritet një takim me dy klubeve
Te Real Madridi nuk po nguten dhe po e kryejnë operacionin me durim. “Los Blancos” nuk duan të jenë problem për klubin gjerman dhe presin të takohen për të folur për mesfushorin anglez.
Në Chamartín ata po respektojnë kohën e operacionit me sigurinë se Bellingham është i gatshëm të nënshkruajë për Real Madridin.
Sapo të vendoset gjithçka, drejtuesit e Real Madrid do të fillojnë të bisedojnë me Borussia Dortmund.
