Në një postim në facebook, ministrja e Infrastrukturës dhe Energjisë, Belinda Balluku ka publikuar detajet nga takimi i zhvilluar në Selanik me përfaqësues të administratës së Qeverisë Amerikane. Sipas Balluku u diskutua rreth ecurisë së dy projekteve të mëdha që kemi iniciuar me SHBA, Skavica dhe Projekti i LNG në Vlorë. Në këtë takim ku e pranishme ishte edhe Ambasadorja Yuri Kim,
“Në Selanik, së bashku me Ambasadoren Kim, zhvilluam një takim të rëndësishëm me përfaqësues të administratës së Qeverisë Amerikane. Diskutuam rreth ecurisë së dy projekteve të mëdha që kemi iniciuar me SHBA, Skavica dhe Projekti i LNG në Vlorë, si dhe për vijueshmërinë e këtij bashkëpunimi. Zv Asistent Sekretari i Departamentit Amerikan të Energjisë, Joshua Volz, theksoi mbështetjen e SHBA për projekte që përforcojnë sigurinë energjetike në vend e më gjerë, duke ofruar dhe mundësi për financimin e tyre. Ndërkohë, Drejtori i Zhvillimit të Korporatës Financiare për Zhvillim të SHBA, Andrew Herscowitz, parashtroi mundësinë konkrete të financimit të dy projekteve strategjike Skavica dhe TEC Vlorë. Në kohë të vështira vlerësojmë akoma më shumë vëmendjen e partnerëve tanë strategjik” – shkruan Balluku në facebook.
