Bëjini vetë ëmbëlsirat e një feste kaq të dashur, sidomos për fëmijët. Përgatitini bashkë me to dhe lëreni fantazinë t’ju drejtojë për të përgatitur biskota të shijshme dhe të këndshme.
Përbërësit
- 100 gr gjalpë (i butë pa kripë)
- 100 gr sheqer pluhur
- 1 kokërr vezë
- 275 gr miell
- 5 gr vanilje
- 400 gr krem ëmbëlsirash
- 60 ml ujë
- 3 pika ngjyrues ushqimor
Përgatitja- Ngrohni paraprakisht furrën në temperaturën 190 C.
- Përgatitni tavën në të cilën do të piqni biskotat, duke i vendosur sipër një letër kuzhine.
- Në mikser rrihni së bashku gjalpin me sheqerin deri sa të krijohet një masë e ngjashme me brumin.
- Shtoni vezën dhe vaniljen, vazhdoni ta rrihni sërish masën.
- Hiqeni masën nga mikseri dhe bashkojeni me miellin.
- Filloni ta punoni deri sa të jetë formuar masa homogjene e brumit.Kujdes kokrrizat e miellit.
- Hapni një petë brumi me trashësi 1 cm. Me anën e një forme Halloween-i filloni të prisni biskotat.
- Vendosini në tavën e pjekjes dhe piqini 8-9 minuta, derisa ato të kenë marrë një ngjyrë. të lehtë kafe. Kujdes mos i piqni më shumë sesa duhet!
- Nxirrini nga furra dhe lërini të pushojnë për gati 5 minuta.
- Përgatitja e dekorit: Hedhim sheqerin pluhur në mikser, shtojmë ujin dhe e rrahim me rrahëse elektrike derisa të krijohet një masë e butë deri diku e lëngshme.
- Hedhim 3-4 pika ngjyrues ushqimor dhe e përziejmë edhe pak në mënyrë që ngjyra të përhapet mirë.
- Fillojmë me dekorin e biskotave sipas fantazisë.
