Në vijim të planit për goditjen e kultivimit të bimëve narkotike, policia e Kurbinit ka arrestuar në flagrancë 3 shtetas të dyshuar si kultivues të lëndëve narkotike si dhe ka nisur procedimin penal për kryeplakun e fshatit dhe Drejtorin e Mjedisit.
Në kuadër të operacionit “Befasia” në pranga kanë rënë shtetasit Xhaferr Lika, 29 vjeç, Elez Lika, 25 vjeç dhe Gazmir Lika, 26 vjeç të tre banues në Kurbin. Po procedohen në gjendje të lirë Kryeplaku i fshatit Gërnac, S.S., 39 vjeç dhe Drejtorin e Mjedisit N.M., 65 vjeç gjithashtu të dy banues në Kurbin.
Policia ushtroi kontroll territori në fshatin Gërnac, në Kurbin, në vendin e quajtur “Livadhet e Gërnaces”. U konstatuan 2450 gropa të hapura dhe pranë kësaj parcele u gjetën 62 kutia polisteroli me nga 40 kubikë secila , ku rezultonin të mbira në këto kubikë 930 fidanë bimë narkotike Cannabis – Sattiva me lartësi 1-2 cm të cilat u asgjësuan.
