Ndonëse BE shtoi kushtet për anëtarësim, deputetja socialiste Elisa Spiropali deklaron të kundërtën në Kuvend.
Spiropali tha se Shqipëria është më afër se kurrë pranë procesit të anëtarësimit, pasi sipas saj kjo vjen falë këmbënguljes së maxhorancës për të mbajtur institucionet në këmbë.
“Dy ish-deputetë që partia i nxori në rrugë flasim për largimin nga BE. Ata u nxorën zvarrë nga kuvendi me vendim të Berishës në vitin më të rëndësishëm të Shqipërisë. Reforma në Drejtësi dhe reforma zgjedhore janë falë këmbënguljes së kësaj maxhorance. Ashtu si presidenca gjermane e deklaroi në fund të vitit Shqipëria i ka bërë detyrat falë kësaj maxhorance.
Shqipëria dhe institucionet e saj nuk kemi qenë kurrë më pranë këtij procesi historik të anëtarësimit dhe është falë këmbënguljes që kemi bërë për të mbajtur institucionet në këmbë. Deputetët e opozitës parlamentare kanë meritën e tyre që kanë qëndruar në Kuvend. Ne i mbrojtën institucionet nga molotovi dhe nga rrënimi duke bërë zgjedhje në 2019″, tha Spiropali.
