Presidenca kroate e Bashkimit Evropian ka propozuar çeljen e negociatave për anëtarësim me Shqipërinë dhe Maqedoninë e Veriut, sipas projekt-përfundimeve të Këshillit të çështjeve të përgjithshme të 24 marsit.
Tashmë përfaqësuesit e vendeve anëtare pritet të diskutojnë mbi ndryshimet që do të duhet të pësojë ky dokument, sidomos në lidhje me Shqipërinë, të cilës pritet t’i vihen parakushtet e caktuara nga Bundestagu gjerman si dhe ato që mund të vijnë nga vendet e tjera skeptike, para ndonjë vendimi të mundshëm.
Nëse merret vendimi pozitiv, Komisionit do t’i kërkohet të përgatisë kuadrin negociues jo më vonë se muaji qershor i këtij viti, para hapjes formale të grup-kapitujve të parë në gjysmën e dytë të këtij viti për Maqedoninë e Veriut, ndërsa për Shqipërinë, me të plotësuar parakushtet e pritshme që do të vendosen.
Skandali te AKSHI, SPAK shtrin hetimet edhe te projekti DURANA –
Struktura e Posaçme kundër Korrupsionit dhe Krimit të Organizuar (SPAK) po kryen verifikime edhe për projektin DURANA të Korporatës Shqiptare të Investimeve,...
