Bashkia Kamëz tashmë do të ketë një rrugë me emrin “Ramush Haradinaj”.
Deklarata e Bashkisë Kamëz
Ramush Haradinaj me dorëheqjen e djeshme tregoi të qënit një shtetar i vërtet pasi që është nje patriot dhe atdhetar këtë e ka treguar çdo ditë të jetës së tij. Haradinaj tregoi se sakrifikon nga vetja për lirinë dhe pavarësinë e Kosovës për gjithë shqiptarinë. Me dorëheqjen prej një burri të vërtet shteti tregoi se nuk ka asgjë për të fshehur dhe se sa herë të kërkohet do të shkoj para drejtësisë jo si kryeministër i Kosovës por si Ramush Haradinaj.
Haradinaj i është përgjigjur thirrjeve të drejtësisë por dhe akteve të marra si kryeministër i Kosovës në detyrë. Bashkia Kamez ka nderin që një rrugë të qytetit tonë t’i vendosë emrin e tribunit të lirisë dhe atdhëetarisë Ramush Haradinaj me vendim të Këshillit Bashkiak.
Kujtojmë që tashmë Ramush Haradinaj është njëri prej nesh për thjeshtësinë që e karaktarizon por edhe se ai është Qytetar Nderi i Kamzës si dhe prej sot një prej rrugëve mban emrin e tij. Jemi me ty Ramush, të bindur në pafajësinë tendë dhe misionin tënd për lirinë e Kosovës dhe shqiptarisë.
Askush nuk ka mundur të gjunjëzojë sado që ka tentuar. Ti Ramush ke ditur tia dalësh me karakterin tënd fisnik dhe pastërtinë e figurës tënde. Ti je një shtetar i vërtet ndaj qëndro siç ke ditur të ia dalësh pabësive. Jemi me ty.
