Bashkia e Tiranës ka ngritur një palestër në ajër të pastër tek Liqeni Artificial.
Për të përuruar këndin e dytë të palestrës kryebashkiaku Erion Veliaj tha se siç fëmijët kanë nevojë për kënde lojërash, ashtu edhe të rriturit kanë nevojë për një kënd ku mund të ushtrohen fizikisht.
“Tashmë ka ardhur koha që vëmendjen ta kthejmë te investimet tona në parqet e Kasharit, Farkës, Dajtit dhe Pezës, për t’u siguruar që Tiranës i trashëgojmë 4-5 parqe”, tha Veliaj.
Drejtori i Agjencisë së Parqeve dhe Rekreacionit, Blendi Gonxhe, tha se Parku i Madh i Liqenit është hapësira më e vizituar nga qytetarët e Tiranës.
