Një turm ekstremistësh grekë, politikanë e grekofonë u mblodhën në sheshin para Parlamentit të Greqisë e me britma çirreshin duke mallkuar shqiptarët e Shqipërinë.
Ata kërkonin dje aneksimin e jugut. Ky tubim ishte organizuar nga Bashkia e Athinës dhe institucionet e Greqisë.
Turmës së çmendur i printe Karathanos i Demokracisë së Re, më tej ish-deputeti i Agimit të Artë, Ilias Kasidaris, motra e Kacifës, Ermioni Kacifa, e cila kërcente vallen duke kënduar “Vorio Epir!”, “Kacifa, ti na udhëheq drejtë luftës për çlirimin e Veriut të Epirit!”.
Qenë të pranishëm drejtuesit e OMONIA-së si Jorgo Çomakas, Eleni Dhimu, Stavro Gjinos, e kështu me radhë, të cilët hopa-hopa kërkonin Veriun e Epirit nën tingujt e muzikës që e luante banda muzikore shtetërore.
Britmave grekomëdhenjve ju bashkua edhe prifti i kishës së Shën Gjergjit, i cili mbajti meshën për Çlirimin e Veriut të Epirit.
Ata kënduan e hodhën valle duke mallkuar shqiptarët, por shteti shqiptar çfarë bëri? Jo për gjë, por këta janë shtetas të Shqipërisë, ndaj për tradhëti ndaj vendit dënohen deri me burgim.
