Kryedemokrati Lulzim Basha gjatë ditës së sotme ka qenë për vizitë tek një qytetare, duke dëgjuar shqetësimet e saj dhe ndarë një pjesë të jetës së përditshme.
Gruaja e vizituar nga Basha është gjyshe Vera, e cila i ka treguar kreut të PD, se dy djemtë dhe nusen i ka pa punë dhe se jetojnë me pensionin e saj.
“Me gjyshe Verën kalova një paradite të gjatë duke e dëgjuar për hallet dhe problemet me të cilat ajo dhe familja e saj përballen çdo ditë. #PotëDëgjoj”, shkruan Basha.
Gjyshe Vera ka qenë edhe para disa ditësh në një episod me kreun e opozitës, ku ai u fotografua duke i mbajtur qeset e ushqimeve.
Dialogu mes tyre
Lulzim Basha: Si të kam, si janë nga shtëpia?
Gjyshe Vera: Mirë, si pa punë, dy çuna pa punë, nusen pa punë, 100 e ca mijë lekë vetëm drita, pa ujë. Ujin nuk e kam paguar se nuk më doli pensioni. Unë marr një pension 182 mijë lekë .
Lulzim Basha: Domethënë ty të shkon më shumë se gjysma e pensionit për drita?
Gjyshe Vera: Po ilaçet?
Lulzim Basha: Me gjithë këto pagesa që bën, domethënë tani që po shkojmë për Pazar, çfarë arrin me ble?
Gjyshe Vera: Çfarë do blej, dy patëllxhanë, dy kunguj, qepë, patate…se s’të del. Lëre që nuk i kemi mësuar me lekë. Janë…Çfarë të bëjmë?! Kjo është rutina e gjithë nënave shqiptare. Të gjitha do bredhin ku është më lirë5 lekë, 100 lekë më pak.
Lulzim Basha: 130 shkojnë vetëm këto të dyja (duke parë librezën). Ti e ke pensionin?
Gjyshe Vera: 182.
Lulzim Basha: Sa të shkojnë ilaçet Vera?
Gjyshe Vera: 40 mijë.
Lulzim Basha: Se i ka këto kusure mosha. Se kam edhe dy prindërit me ilaçe. Me këto që më thua ti, nuk ka vend as për dinjitet.
