Kreu i Opozitës Lulzim Basha ka zhvilluar disa takime me biznese paraditen e sotme në njësinë nr. 1 në kryeqytet.
Përmes një video Live në Facebook, Basha u shpreh se në këtë kohë pandemia sipërmarrja e vogël shqiptare ndodhet në vështirësi.
“Është prania e pafund e inspektorëve tatimore që e kanë mendjen të gjobisin. Problem shumë i madh është rënia drastike e xhiros. Edhe në rastet kur kanë marrë ndihmë simbolike ato para siç i kanë marrë i kanë çuar për të paguar qiratë. Problem kryesor është rënia totalë e fuqisë blerëse. Siç e kemi e paralajmëruar mungesa e ndihmës për njerëzit u transmetua në të gjithë zinxhirin e ekonomisë.
Kjo qeveri dhe ky kryeministër treguan se edhe në kohë krize nuk kanë pasur njerëzit e thjeshtë dhe sipërmarrjen, por oligarkët. Kjo është skandaloze dhe kriminale, aq sa qytetarëve, aq iu kanë dhënë edhe oligarkëve nga buxheti i shtetit. Kryeministri ka propagandë, gënjeshtra, mashtrime, gjurmon si hajdut dhe spiun bizneset, i intimidon se thonë të vërtetën. Kjo nuk është sjellja e një kryeministri. Ne do ta çlirojmë Shqipërinë nga ky makth i gjatë, buxheti dhe taksat duhet të shkojnë te shqiptarët, te nxitja e konsumit. Qeveria nuk mund t’ju japë lëmoshë por duhet t’i dëmshpërblejë, duhet ndryshim i thellë. Në kemi program që ndihmon njerëzit, do ndihmojë biznesin prodhues e sipërmarrjen ”, tha Basha.
