Ndëshkimi pas kundërshtive që ata shprehen ndaj udhëzimit për ta ndarë në PD fshat e PD qytet, degën e Durrësit
Kryetari i PD-së, Lulzim Basha, ka shkarkuar nga detyra të gjithë anëtarët e kryesisë së kësaj partie në Durrës. Lajmi për shkarkimin e tyre iu ka mbërritur me imail.
Vendimi i Bashës për t’i shkarkuar të gjithë anëtarët e kryesisë së PD-së Durrës, ka ardhur pas kundërshtive që drejtuesit e kësaj dege i kanë bërë udhëzimit për ndarjen në dy degë, PD fshat e PD qytet. Udhëzimi i Bashës ka mbërritur pak ditë më parë dhe ai është pritur me kundërshti qysh tek kreu i PD-së Durrës Osman Stafa por edhe anëtarët e tjerë të forumeve drejtuese të kësaj partie në këtë qytet.
Pas kundërshtive ka ardhur edhe ndëshkimi, shkarkimi i tyre nga kryesia e PD-së. Anëtarët e shkarkuar të kryesisë së PD-së thonë se një akti i tillë është i paprecedent sepse Berisha nuk e ka aplikuar asnjëherë shkarkimin në këtë formë. Madje ata shkojnë më tej kur thonë se as Rama nuk ka aplikuar deri më sot shkarkime të tilla arbitrare të të zgjedhurve në forumet e PS-së. Të ndëshkuarit nga kryetari Basha thonë se janë shkarkuar për tu zëvëndësuar me njerzit e besuar të kryetarit Basha.
