Kreu i Partisë Demokratike, Lulzim Basha në një dekaratë për mediat nga selia blu është shprehur edhe njëherë se nuk do të lejojë që PD të kthehet në bunker të interesave personale të Sali Berishës.
Teksa ish-kryeministri mbajti sot “Foltoren” me të rinjtë, Basha tha se Berisha është kthyer në tub oksigjeni për regjimin e Ramës dhe u zotua ta këpusë.
“Koha e Sali Berishës ka mbaruar. Bashkë me të ka mbaruar edhe koha e mandateve të skaduara dhe përdorimit të PD-së dhe forumeve të saj për interesa personale. Asgjë dhe askush nuk do ta kthejë PD-në në një bunker për interesat personale të Sali Berishës.
PD është një parti që funksionon për të zgjidhur hallet e shqiptarëve. Halli më i madh i shqiptarëve sot është regjimi i Edi Ramës.
Prej javësh me zdërhallet e tij, Sali Berisha është kthyer në tub oksigjeni për regjimin e Edi Ramës. Jam i vendosur ta këpus këtë tub oksigjeni për Ramën”,- tha Basha.
