Kreu i Partisë Demokratike, Lulzim Basha, ka akuzuar rëndë kryeministrin Edi Rama, teksa ka thënë se qeveria e vjetër është një komplot për të fshehur vjedhjen që i bëhet shqiptarëve.
Nga çadra Basha iu përgjigj shprehjes së Ramës, ku ky i fundit tha “Ne me bukë, ata me gurë”, duke i thënë “Nuk lahet mjalti me….shllirë”.
“Republika e vjetër është një komplot politik me qëllim mbrojtjen e komplotit ekonomik ndaj qytetarëve shqiptarë. Qëllimi i saj është të mbulojë vjedhjen e përditshme që i bëhen 3 milion shqiptarëve nga persona me pushtet. Kjo është qeveri fasadë kriminelësh që përmes abuzimit me pushtetin vjedh miliardat e eurove.
Republika e vjetër është komplot për të vjedhur shqiptarët.
Sa për atë thënien, ti me bukë e unë me gurë, po të them vetëm një shprehje “Nuk lahet mjalti me….shllirë”. Ke vetëm një rrugë që atë mjalt të mos e hash vetë. Është rruga e vetme të largohesh, sepse je arkitekti i republikës së vjetër”, u shpreh Basha.
