Kreu i PD-së Lulzim Basha nga selia blu ka akuzuar Edi Ramën, Fatmir Xhafajn, Arta Markun, Taulant Ballën e të tjerë eksponentë të PS, për komplote. Sipas Bashës, Edi Rama ka ngritur një shtet privat, ku fabrikon prova ndaj kundërshtarëve të tij.
“Shqipërisë sot i është instaluar një shtet privat i Edi Ramës, një shtet që funksionon jashtë Kushtetutës, jashtë ligjeve dhe jashtë çdo lloj mbikqyrjeje apo kontrolli. Dje Edi Rama e pranoi vetë ekzistencën e këtij shteti privat, kur deklaroi publikisht se ai ka një strukturë të posaçme hetimore që i shërben atij personalisht.
Mbrëmë të gjithë shqiptarët panë “fytyrën” e këtij shteti privat dhe përbërjen e kësaj strukture: deputetë, drejtorë të Policisë, prokurorë që fabrikojnë prova dhe dëshmitarë për të shëptuar kriminelë.
Edhe pse nuk u përmendën me emër, drejtues dhe pjesë të kësaj strukture dhe të këtij inskenimi janë pa asnjë dyshim edhe Fatmir Xhafaj, edhe Arta Marku. Pra, Kryeministri, Ministri i Brendshëm, kreu i grupit parlamentar, Prokurorja e Përgjithshme, Drejtori i Përgjithshëm i Policisë kanë komplotuar së bashku drejtpërsëdrejti për të manipuluar të vërtetën, për të mbrojtur një trafikant droge, Agron Xhafajn dhe vëllain e tij, Ministrin e Brendshëm.”
https://www.facebook.com/lulzimbasha.al/videos/323712484876269/
