Kryetari i PD-së, Lulzim Basha iu kundërpërgjigj deklaratës së ministres së Financave, Delina Ibrahimajt në lidhje me krizën ekonomike.
Nga salla e parlamentit, Basha theksoi se “Tiret” e ekonomisë pyesin se ku e gjeti PD planin për krizën energjetike. Nder të tjerash ai tha se prej kohësh opozita ka kërkuar që të hiqet TVSH për karburantet.
“Tiret” jo të sanatoriumit, por të Ekonomisë, pyesin se si e kishit ju planijn gati se ky doli të dielën për tua zënë kafshatën e fundit në fyt atyre që e kanë akoma, ndërsa kryeti i PD-së doli pasdite me një plan. I ra rreth e qark planit, por një gje se përmendi, taksën e karburantit që kemi vite që kërkojmë që ta heqim. 1 lekë për litër. 240 lekë të vjetra vazhdon tua marrë dhe atyre që blejnë karburant dhe atyre që blejnë bukën e gojës. Siç ju thashë këtu s’kemi ardhur për të sqaruar njerëzit se çfarë rrenacakësh kanë pasur ne krye të vendit për 8 vite, për të mbuluar vjedhjet. 2.2 mld euro sa paketa mund të bëheshin për të ndihmuar të varfrit? Jo janë bërë PPP dhe koncensione. 120 mln euro që për luftën personale me Becchetin, do iu marrë shqiptarëve. Një njeri i vetëm për shkak të luftës së tij persona do të marrë 2 herë më shumë para se sa iu ka dhënë shqiptarëve gjatë pandemisë. Këto janë të vërtetat që nuk ka asnjë ushtri propagandë që t’i mohojë. Sa për shifrat e “Tireve” të ekonomisë, raporti i Bankës Botërore thotë që 30% e shqiptarëve janë në varfëri ekstreme, ato që ajo harron janë 500 mijë shqiptarë që ai dhe “Tirja” i përzunë nga barbaria dhe babëzia e qeverisë.”, tha Basha.
