Kryetari i Partisë Demokratike Lulzim Basha, ka akuzuar se qeveria po blen ndërkombëtarët me paratë e krimit.
“Me paratë e narkomafias shqiptare, dhe me paratë e korrupsionit qeveritar po blihet fjala e lobingjeve në Europë dhe në Amerikë, për t’i ardhur në ndihmë lavatriçes së krimit të organizuar, republikës së vjetër të krimit”, tha Basha.
Në ditën e 45 të protestës, Basha tha se beteja për zgjedhje të lira nuk do të ketë kthim pas, ndërsa sipas tij kjo beteje nuk i vjen në ndihmë vetëm Shqipërisë por Europës dhe Amerikës.
Basha tha se me rënien e kryeministrit Edi Rama, fitojnë shqiptarët dhe humbin grupet kriminale.
“ Me këto para, paguhen lobingje të ndyra, të pista. Me paratë e narkomafias shqiptare, me paratë e korrupsionit qeveritar blihet fjala e lobingjeve në Europë dhe në Amerikë, për t’i ardhur në ndihmë lavatriçes së krimit të organizuar, republikës së vjetër të krimit”, tha Basha.
