Në qëndrimin e parlamentit gjerman për hapjen e negociatave me Shqipërinë, Lulzim Basha sheh dy lajme, një të mirë dhe një të keq.
Lajmi i keq sipas Bashës është qëndrimi kundra i Bundestagut gjerman, ndërsa lajmi i mirë është se Gjermania mbështet anëtarësimin e Shqipërisë në BE.
Por për hapjen e këtyre negociatave kërkohen reforma, për të cilët Basha thotë se koha për realizimin e tyre është tani.
Statusi i plotë i Bashës: “Qëndrimi i Bundestagut gjerman kundër hapjes së negociatave me Shqipërinë është një lajm i keq për të gjithë ne. Lajmi i mirë është se Gjermania mbështet anëtarësimin e Shqipërisë në BE, sikurse u ripohua sot.
Tani është koha të punojmë për të realizuar reformat e nevojshme dhe marrë vendimet e duhura që u shërbejnë shqiptarëve dhe jo për t’u hedhur hi syve qytetarëve dhe partnerëve tanë.
Sot është koha për reflektim. Është koha që të gjjthë ne që duam ndryshimin e vërtetë të bëhemi bashkë për të luftuar korrupsionin, krimin, drogën dhe për të garantuar zgjedhje të lira dhe të ndershme.”
Gjermania publikon kriteret për çeljen e negociatave të anëtarësimit në BE
