Pas statusit të kryeministrit Rama, në rrjetet sociale, ka ardhur reagimi i liderit të i PD-së, Lulzim Basha i cili tha se Rama ka arritur të blejë gjithçka përveç Partisë Demokratike.
Nëpërmjet një reagimi në Facebook, Basha thotë se pasi bëri një listë me kandidatë për deputetë pasuria e të cilëve kalon prodhimin kombëtar, sot u shtir sikur ka hallin e Partisë Demokratike.
Basha shtoi se Partia Demokratike ka zgjedhur lirinë, pluralizmin dhe demokracinë e vërtetë dhe se PD do të dalë më e fortë nga kjo betejë.
Basha: E gjithë karriera e Edi Ramës është ngritur mbi blerjen e të gjithëve dhe çdo gjëje, të partisë, të aleatëve, të partnerëve, të bizneseve, të mediave, të shoqërisë civile. Me zhagen e lejeve të ndërtimit, të koncesioneve, të favoreve, të parave publike, Edi Rama ka blerë rrugën e tij deri në majën e pushtetit.
E vetmja që nuk ka blerë dot ndonjëherë Edi Rama ka qenë Partia Demokratike. Dje pasi mbylli edhe pazaret e fundit me ata që shiten dhe blihen, pasi bëri një listë kandidatësh me deputetë pasuria e të cilëvë e kalon edhe prodhimin kombëtar të Shqipërisë, Edi Rama kuptoi se prapë nuk mund të blejë dot pluralizmin dhe demokracinë, sepse demokratët e vërtetë nuk u shitën. Ndaj me dinakërinë e tij të zakonshme sot u shtir sikur ka hallin e Partisë Demokratike.
Partia Demokratike ka zgjedhur lirinë, pluralizmin dhe demokracinë e vërtetë. Kjo është kauza e drejtë, ky është shërbimi më i madh për popullin dhe për të ardhmen e Evropiane të Shqipërisë. Partia Demokratike do të dalë më e fortë nga kjo betejë, ndërsa Shqipëria do të ketë Republikën e Re, të vërtetë dhe perëndimore.
Rama: Thuajse i bindur që PD do të kthehet për të hyrë në zgjedhje
