“Partia Demokratike merr pjesë në zgjedhje. Nuk ka asnjë skenar tjetër. Partia Demokratike merr pjesë dhe ne do të fitojmë me zgjedhje të lira dhe të ndershme”.
Kështu u shpreh kryetari i opozitës Lulzim Basha, duke hedhur poshtë çdo skenar të bolkotimit të zgjedhjeve nga ana e PD-së.
Vetëm një ditë pasi Basha prezantoi platformën e votimint dhe numërimit elektronik, kryedemokrati mblodhi sot në në selinë e Partisë Demokratike krerët e kësaj partie në qarqe për t’i njohur me këtë platformë.
Kjo lloj mënyre votimin dhe numërimi që është pika kryesore e kësaj platforme i jep fund sipas Bashës kontestimit të zgjedhjeve .
Gjthashtu Basha më tej u shpreh se “kam marrë me mijëra mesazhe nga qytetarët, përfaqësues të shoqërisë civile, medias, botës akademike, sipërmarrës madje edhe njerëz publikisht të afishuar si përkrahës të së majtës, që vlerësojnë votimin dhe numërimin elektronik si propozimin më të rëndësishëm për zgjedhje të lira dhe të ndershme të bërë në Shqipëri në 25 vitet e fundit”.
